Mania.?

மேனியா (Mania):

     மேனியா(Mania) அல்லது பித்து என்பது ஒருவரை உடல்ரீதியாகவும், மனரீதியாகவும் அதீத ஆற்றல் உள்ளவராக உணர வைக்கும் ஒரு நிலையாகும். இந்நோயால் பாதிக்கப்பட்டவர்கள் அதீத உற்சாகத்துடனும், அதீத வேகத்துடனும் காணப்படுவார்கள். இந்நோயானது ஒருவரின் உணர்ச்சி, நடத்தை மற்றும் எண்ணம் ஆகியவற்றில் தொடர்ந்து மாற்றங்களை ஏற்படுத்தும்.மேலும் இந்நோய் இருதுருவ மனநோயின் (Bipolar disorder) ஒரு துருவம் ஆகும்.

அறிகுறிகள்:

• தூக்கமின்மை (sleeplessness),

• அதீத மற்றும் திடீர் கோபம் (sudden irritability and anger),

• அலைந்து திரியும் போக்கு (Restlessness and wandering tendency),

• தன்னை உயர்வாக நினைத்துக் கொள்ளுதல் (Delusion of Grandiosity) 

 Ex: நான் கடவுள், நான் விஞ்ஞானி, CM and PM நான் சொல்றத கேப்பாங்க.

• தன்னிச்சையான பேச்சு (spontaneous talk),

• மற்றவர்கள் தன்னை கவனிப்பதாக உணர்தல் (Delusion of Reference),

• மற்றவர்கள் தனக்குத் தீங்கு விளைவிப்பதாக உணர்தல் (Delusion Of Persecution),

• அதீத கடவுள் நம்பிக்கை ( increased God beliefs)

• தனக்குள் கடவுள் இருக்கிறார் என்று கூறுதல் ( Possession By God),

• மற்றவர்களை உடல்ரீதியாகவும் மனரீதியாகவும் காயப்படுத்துதல் (Physical and verbal abuse)

• மாற்றி மாற்றி பேசுதல்(Flight of ideas),

• அதீத சத்தத்துடன் கூடிய பேச்சு(Shouting Behavior),

• ஒரே நேரத்தில் பல செயல்களில் ஈடுபடுவது,

• அதீத பாலியல் செயல்பாடுகள் (Hyper-sexuality)

• அதீத ஆபத்தான செயல்களில் ஈடுபடுதல்,

• தேவையில்லாத செலவுகள் செய்வது மற்றும் தேவையற்ற பொருட்களை வாங்குதல் (Spending Money for Unnecessary)

• சாதாரண நேரங்களில் கூட நேர்காணலுக்கு செல்வது போல் உடை அணிதல்,

• கவனச்சிதறல் (Destructibility).

• தோள்பட்டையை உயர்த்திக் கட்டிக் கொள்ளுதல்.

காரணங்கள்:

• மரபணு (Genetic),

• சுற்றுச்சூழல் நிலை (Environment),

•  திடீர் வாழ்க்கை முறை மாற்றம் (Divorce and Jobless),

• போதைப் பொருள் பயன்பாடு

 (substance use),

• மூளை காயங்கள் (Brain injury)

• மனச்சோர்வுக்கு பயன்படுத்தப்படும் மாத்திரைகள் (Antidepressants),

• குறைவான தூக்கம்.

சிகிச்சைகள்:

• மருந்து மற்றும் மாத்திரைகள் (Medication),

• எலக்ட்ரோகான்வல்சிவ் சிகிச்சை(ECT),

• உளவியல் சிகிச்சை(Psycho Therapy)

• ஆதரவு குழுக்கள்( Supportive Groups).

• தியானம் & யோகா பயிற்சி

 (Meditation). 

Do and Don't:

https://sayyes2life.in/d/4363

Reference: DSM-5

நன்றி....🖤

By..Iniyan Dharmaraj.BBA.,MSW(Mpsw)

Depression..?

மனச்சோர்வு என்றால் என்ன.?

        நாம் அனைவரும் சில நேரங்களில் கவலை மற்றும் தாழ்வு மனப்பான்மையை உணர்ந்திருக்கலாம் ஆனால் இந்த உணர்வுகள் பொதுவாக சிறிது நேரத்தில் குறையத் தொடங்கிவிடும். ஆனால் மனச்சோர்வுக் கோளாறு (Depressive Disorder) என்பது நமது உணர்ச்சிகள், எண்ணங்கள் மற்றும் நடத்தையைப் பாதிக்கும் ஒரு பொதுவான மற்றும் தீவிரமான மருத்துவ நிலையாகும். இது ஒரு தொடர்ச்சியான கவலை மற்றும் ஆர்வத்தை இழப்பது போன்ற உணர்வை ஏற்படுத்துகிறது மேலும் இது பலவிதமான உணர்ச்சி மற்றும் உடல் பிணிகளுக்கு வழிவகுக்கிறது. மனசோர்வு நிலை என்பது நம் அன்றாட செயல்களை செய்வதில் நமக்கு சிக்கல்களை ஏற்படுத்தும், மேலும் சில நேரங்களில் நாம் வாழ்வதற்கு தகுதியற்றவர் போல் நினைக்கத் தூண்டும்.

அறிகுறிகள்:

✓ தொடர்ந்த கவலை,வெறுமை அல்லது தன்னம்பிக்கை இன்மை போன்ற உணர்வுகள்,

✓ சிறிய விசயத்திற்கு கூட கோபப்படுவது, எரிச்சல் அடைவது,

✓ அன்றாட செயல்பாடுகளில் ஆர்வமின்மை மற்றும் அக்கறையின்மை,

✓ தூக்கமின்மை அல்லது அதீத தூக்கம்,

✓ உடற்சோர்வு மற்றும் உடலில் சக்தியின்மை போன்ற உணர்வுகள்,

✓ அதீத தனிமை உணர்வு,

✓ பசியின்மை,

✓ உடல் எடை குறைதல் அல்லது அதிகரித்தல்,

✓ பயம்,ஓய்வின்மை மற்றும் மன அழுத்தம் போன்ற உணர்வுகள்,

✓ மெதுவான சிந்தனை மற்றும் பேச்சு,

✓ ஒரே விசயத்தை யோசித்துக் கொண்டே இருப்பது,

✓ குற்ற உணர்வு‌ மற்றும் தன்னைத் தானே குறை கூறிக்கொள்வது,

✓ அதீத போதைப் பொருட்களின் பயன்பாடு,

✓ சிந்தனை, கவனம் செலுத்துதல், முடிவுகளை எடுப்பது மற்றும் ஞாபக சக்தி போன்றவற்றில் சிக்கல்கள் ஏற்படும்,

✓ தன்னைத் தானே காயப்படுத்திக் கொள்வது,

✓ முதுகுவலி அல்லது தலைவலி போன்ற விவரிக்க முடியாத உடல் பிரச்சினைகள்,

✓ தொடர்ந்த தற்கொலை எண்ணம் அல்லது தற்கொலைக்கு முயற்சிப்பது அல்லது தற்கொலை செய்து கொள்வது.

காரணங்கள்:

✓ மரபணு காரணிகள்,

✓மூளையில் சுரக்கக்கூடிய இரசாயனங்களின் ஏற்றத்தாழ்வு,

✓ போதைப்பொருள் பயன்பாடு,

✓ மனஅழுத்தம் நிறைந்த சுற்றுச்சூழல்,

✓ ஏமாற்றம் மற்றும் இழப்பு,

✓ சத்துக் குறைபாடு,

✓ உடல்நல குறைபாடு,

சிகிச்சை முறை:

✓ உளவியல் சிகிச்சை (psycho therapy)

✓ மருந்துகள் ( Medication)

✓ மின் அதிர்வு சிகிச்சை (Electro-convulsive therapy)

✓ உடற்பயிற்சி மற்றும் தியானம் (Exercise and Yoga)

ஒரு நபர் மனச்சோர்வில் இருக்கும் போது செய்ய வேண்டியவை:

1. மன அழுத்தத்தை கட்டுப்படுத்த நடவடிக்கை எடுக்க வேண்டும் 

2.அதிக நேரத்தை நம் உறவினர்கள் மற்றும் நண்பர்களுடன் செலவிட வேண்டும்,

3. நேர்மறை எண்ணங்களை வளர்த்துக் கொள்ள வேண்டும்,

4.போதுமான அளவு தூக்கம் வேண்டும்,

5.உங்களுக்கு பிடித்த மற்றும் சந்தோஷத்தை தரக்கூடிய விசயங்களில் உங்களை ஈடுபடுத்திக் கொள்ள வேண்டும்,

6. உடற்பயிற்சி மற்றும் தியானம் செய்ய வேண்டும்,

7. பயணம் மேற்கொள்ள வேண்டும்,

8. உங்கள் பிரச்சனையை பற்றி நம்பிக்கை உடையவரிடம் பகிர்ந்து கொள்ள வேண்டும்,

9. உற்சாகத்தைத் தரக்கூடிய இசையை கேட்க வேண்டும்,

10. அறிகுறிகளை ஆரம்ப நிலையிலேயே கண்டறிந்து மன நல மருத்துவரை சந்திக்க வேண்டும்.

செய்யக்கூடாதவை:

1. தனிமையில் வீட்டிற்கு உள்ளேயே இருக்க கூடாது,

2. மற்றவர்களுடன் மனம் விட்டு பேசாமல் இருக்கக்கூடாது,

3. அதீத சிந்தனை செய்யக்கூடாது,

4. போதைப்பொருட்களை பயன்படுத்தக்கூடாது,

5. தன்னைத்தானே குறை கூறக்கூடாது,

6. போதுமான அளவு தூங்காமல் மற்றும் உணவு அருந்தாமல் இருக்கக்கூடாது,

7. சோகமான பாடல்களை கேட்கக்கூடாது,

8. உங்கள் வாழ்க்கையை மற்றவர்களுடன் ஒப்பிடக்கூடாது,

9. எதிர்காலத்தைப் பற்றி சிந்திக்க கூடாது,

10, மனநல மருத்துவரை சந்திக்காமல் இருக்க கூடாது.

Emergency care: எந்த ஒரு நபர் தற்கொலை எண்ணங்களை வெளிப்படுத்துகிறாரோ அவருக்கு அவசர உதவி தேவை.

நன்றி.🖤

By.Iniyan Tharmaraj.BBA.,MSW(MPSW)

Anger..?

கோபம் என்றால் என்ன?

             கோபம் என்பது ஏதோ தவறு நடந்தாலோ அல்லது யாராவது உங்களுக்குத் தீங்கு அல்லது தவறு செய்தாலோ நீங்கள் உணரும் ஒரு தீவிர உணர்ச்சி ஆகும்.பொதுவாக கோபம் என்பது மனஅழுத்தம், விரக்தி மற்றும் எரிச்சல் போன்றவற்றால் வகைபடுத்தப்படுகிறது. கோபம் என்பது அனைவரும் வெளிக்காட்டக் கூடிய ஒரு சாதாரண மற்றும் ஆரோக்கியமான உணர்வு ஆகும். ஆனால் அக்கோபமானது உங்கள் அன்றாடச் செயல்பாடுகளையும், குடும்பம் மற்றும் மனிதர்களுடன் நீங்கள் பழகும் விதத்தையும் பாதிக்கத் தொடங்கும் போது மட்டுமே அது ஒரு  பிரச்சனையாகவும் நோயாகவும் மாறுகிறது.

கோபத்தின் வகைகள்:

A) உறுதியான கோபம் (Assertive Anger):

   உறுதியான கோபம் என்பது ஆக்கபூர்வமான  கோபத்தின்  வெளிப்பாடாகும். கோபத்தின் உணர்வுகளைத் தொடர்பு கொள்வதற்கான சிறந்த வழி இதுவாகும், ஏனெனில் இக்கோபம் நேரடியாகவும், சம்பந்தப்பட்ட நபருக்கு அச்சுறுத்தல் இல்லாத வகையிலும் வெளிப்படுத்த படுகிறது. பயத்தைப் போக்க, பிரச்சனைகளை தீர்க்க மற்றும் வாழ்க்கையில் நாம் விரும்பிய நிலையை அடைய உறுதியான கோபம் பயன்படுகிறது.

B) நடத்தை கோபம்( Behavioral Anger):

   நடத்தை கோபம் என்பது நாம் நமக்கு ஏற்படும் கோபத்தை உடல்ரீதியாக வெளிப்படுத்தும் ஒரு முறையாகும். கோபத்தின் வெளிப்பாட்டின் இந்த வடிவம் உடல் ரீதியானது மற்றும் வன்முறையானதாக இருக்கக்கூடும். இக்கோபம் பிறருக்கு தீங்கு விளைவிக்கும் நோக்கத்தைக் கொண்ட நடத்தை ஆகும். இக்கோபத்தில் நாம் பொருட்களை உடைப்பது அல்லது தூக்கி எறிவது அல்லது யாரையாவது உடல் ரீதியாக துன்புறுத்துவது அல்லது தாக்குவது போன்ற செயல்களில் ஈடுபடுவோம். இக்கோபத்தை ஒருவர் தணிக்க விரும்பினால் அவர் நடை அல்லது ஓடுதல் பயிற்சியில் ஈடுபடலாம்.

C)நாள்பட்ட கோபம்(Chronic anger):

   நாள்பட்ட கோபம் என்பது கோபத்தின் மற்ற வடிவங்களைப் போலல்லாமல், நாள்பட்ட கோபத்தின் உணர்வுகள் நீண்ட காலமாக இருக்கும் மற்றும் பெரும்பாலும் அவை காலங்கள் ஓடினாலும் அக்கோபமானது குறையாது.உயர் இரத்த அழுத்தம், இதய பிரச்சனைகள், தலைவலி, தோல் கோளாறுகள் மற்றும் செரிமான பிரச்சனைகள் போன்ற உடல்நல பிரச்சனைகளுக்கு நாள்பட்ட கோபமே காரணமாகிறது. (உ.தா) காதல் திருமணம் செய்துகொண்ட தனது மகளின் மீது பெற்றோர்களுக்கு இருக்கும் கோபம். நாள்பட்ட கோபத்தில் இருந்து வெளிவர கடந்த கால நிகழ்வுகளை மறப்பதும்,மன்னிப்பதும் மட்டுமே ஒரே வழியாகும்.

D) நியாயமான கோபம்(judgemental Anger):

  நியாயமான கோபம் என்பது நமக்கோ அல்லது மற்றவர்களுக்கோ நடக்கும் அநீதிகளை கண்டு ஏற்படும் கோபம் ஆகும்.

E) அதீத கோபம் (Overwhelmed anger):

   அதீத கோபம் ஒரு கட்டுப்பாடு அற்ற கோபம் ஆகும். இக்கோபமானது நாம் அதிக பொறுப்பை ஏற்கும்போது அல்லது எதிர்பாராத சம்பவங்கள் மற்றும் மன அழுத்தத்தைச் சமாளிக்கும் திறனை இழக்கும் போது இந்த வகையான கோபம் ஏற்படுகிறது. ஒரு சூழ்நிலை நம் கட்டுப்பாட்டிற்கு அப்பாற்பட்டவை என்று நாம் உணரும்போது இது பொதுவாக நிகழ்கிறது, இதன் விளைவாக நம்பிக்கையின்மை மற்றும் விரக்தி உணர்வு ஏற்படுகிறது.

F) செயலற்ற-ஆக்கிரமிப்பு கோபம்(Passive-aggressive anger):

  செயலற்ற-ஆக்கிரமிப்பு கோபம் என்பது ஒரு தவிர்க்கும் வகையான கோபத்தின் வெளிப்பாடு ஆகும். இக்கோபத்தை நாம் கிண்டல் செய்வது,பேசுவதை தவிர்ப்பது, திட்டுவது போன்ற வழிகளில் வெளிப்படுத்துவோம். இக்கோபத்தின் நோக்கமானது பெரும்பாலும் மோதல்களை தவிர்ப்பதே ஆகும்.

G) பழிவாங்கும் கோபம்(Retaliatory anger):

   பழிவாங்கும் கோபம் என்பது மற்றொருவர் நமக்கு செய்த ஒரு தவறான செயலுக்கு அல்லது துரோகத்திற்கு எதிர்வினையாக தூண்டப்படும் கோபம் ஆகும். இது கோபத்தின் பொதுவான வகை ஆகும்.

H) தன்னைத்தானே காயப்படுத்திக் கொள்ளும் கோபம்( Self-abusive Anger):

   இக்கோபமானது பெரும்பாலும் அவமானம் சார்ந்தது ஆகும்.நாம் நம்பிக்கையற்றவராக, தகுதியற்றவராக அல்லது  அவமானப்படுத்தப்பட்டவராக உணரும் நேரங்களில் இக்கோபம் வெளிப்படும். பெரும்பாலும் இக்கோபத்தை நாம் எதிர்மறையாக தனக்குத்தானே பேசிக் கொள்வது, தன்னைத்தானே காயப்படுத்திக் கொள்வது, போதைப் பொருட்களைப் பயன்படுத்துவது மற்றும் சரியாக உணவு உட்கொள்ளாமல் இருப்பது போன்ற வகைகளில் வெளிப்படுத்துவோம்.

 I) வாய்மொழி கோபம்(Verbal anger):

   வாய்மொழி கோபம் என்பது நடத்தை ரீதியான கோபத்தை விட ஆபத்து குறைந்தது ஆகும். ஆனால் இக்கோபமானது நம் எதிரியின் உளவியல் மற்றும் உணர்ச்சிகளில் நேரடி பாதிப்பை ஏற்படுத்தும். வாய்மொழி ரீதியான கோபத்தை நாம் ஆவேசமாக கூச்சலிடுவது, அச்சுறுத்துவது, கேலி மற்றும் கிண்டல் செய்வது,கடுமையாக குற்றம் சாட்டுவது அல்லது விமர்சனம் செய்வது போன்ற முறைகளில் வெளிப்படுத்துவோம்.

J) நிலையற்ற கோபம்(Volatile anger):

    நிலையற்ற கோபம் பொதுவாக போதைப் பழக்கம் உடைய ஆண்களுக்கு காணப்படும். இந்த வகையான கோபம் திடீரென உதித்து மறையும் தன்மை உடையது. இவ்வகைக் கோபம் உறவுகளை உருவாக்கிக் கொள்ளும் திறனை பாதிக்கிறது. சில நேரங்களில் நிலையற்ற கோபமானது வன்முறை நடத்தைக்கு வழிவகுக்கும்.

அறிகுறிகள்:

      நாம் கோபமாக இருக்கும்போது நம் உடல் சில உயிரியல் மற்றும் உடலியல் மாற்றங்களுக்கு உட்படுகிறது. 

நம் உடலில் ஏற்படக்கூடிய சாதாரண அறிகுறிகள்:

# அதீத வேகம் மற்றும் அதிகரித்த ஆற்றல் நிலைகள்,

# இரத்த அழுத்தம் அதிகரித்தல்,

# அட்ரினலின் மற்றும் நோராட்ரீனலின் போன்ற ஹார்மோன்களின் அதிகரிப்பு,

# உடல் வெப்பநிலை அதிகரிப்பு,

# அதிகரித்த தசை பதற்றம்,

# சத்தமாக பேசுவது,

# முகம் சுளித்தல் அல்லது சுருங்குதல்,

# உடல் நடுக்கம்,

# விரைவான இதயத் துடிப்புகள்,

# அதிகமாக வியர்த்தல்,

# ஓய்வு அற்ற உடல்நிலை.

# கண்கள் சிவந்த நிலை,

நம் கோபம் சாதாரணமாக இல்லை என்பதற்கான சில அறிகுறிகள் (Severe Symptoms):

# நம் உறவுகளையும் சமூக வாழ்க்கையையும் பாதிக்கும் கோபம்,

# நம் கோபத்தை மறைக்க வேண்டும் அல்லது அடக்க வேண்டும் என்ற உணர்வு,

# நிலையான எதிர்மறை சிந்தனை மற்றும் எதிர்மறை அனுபவங்களை பற்றிய சிந்தனை,

# பொறுமையின்மை, எரிச்சல் மற்றும் விரோத உணர்வு தொடர்ந்து இருத்தல்,

# மற்றவர்களுடன் தொடர்ந்து வாக்குவாதம் செய்தல்,

# நீங்கள் கோபமாக இருக்கும்போது உடல் ரீதியாக வன்முறையில் ஈடுபடுவது,

# நம் கோபத்தை கட்டுப்படுத்த இயலாமல் பொருட்கள் மற்றும் மற்றவர்களை காயப்படுத்துதல்.

# நம் கோபத்தை பற்றிய கவலை.

காரணங்கள்:

               ஒரு நபர் அல்லது ஒரு நிகழ்வு உங்கள் கோபத்திற்கு காரணமாக இருக்கலாம்.கோபம் பெரும்பாலும் தூண்டுதலால் ஏற்படுகிறது,நாம் உணர்ச்சி ரீதியாக புண்படுத்தப்படும்போது அல்லது அச்சுறுத்தப்படும்போது, வலியில் அல்லது மோதலில் இருக்கும்போது நாம் கோபமாக உணரலாம்.

கோபத்தை ஏற்படுத்தும் சில பொதுவான தூண்டுதல்கள் பின்வருமாறு: 

# மன அழுத்தம்,

# நிதி நெருக்கடி,

# ஒரு வேலை அல்லது பணியில் தோல்வி,

# சோர்வாக இருப்பது,

# நேசிப்பவரின் இழப்பு மற்றும் பிரிவு,

# வேலையில் பதவி உயர்வைத் தவறவிடுவது அல்லது உறவுகளில் ஏற்படும் சிக்கல்கள் போன்ற தனிப்பட்ட பிரச்சனைகள்,

# மோசமான போக்குவரத்து அல்லது கார் விபத்தில் சிக்குவது போன்ற நிகழ்வு,

# ஒரு அதிர்ச்சிகரமான அல்லது ஆத்திரமூட்டும் நிகழ்வின் நினைவுகள்,

# ஹார்மோன் மாற்றங்கள் கோபத்தை ஏற்படுத்தும்.

விளைவுகள்:

   கோபம் என்பது முற்றிலும் இயல்பான மற்றும் பொதுவாக ஆரோக்கியமான உணர்ச்சி ஆகும். இருப்பினும், நாம் கட்டுப்பாட்டை இழக்கும்போது அது நம் உணர்ச்சி மற்றும் உடல் ஆரோக்கியத்திற்கு தீங்கு விளைவிக்கும். பொதுவாக நாம் 10 வினாடிகள் கோபப்பட்டால் நம் உடலானது அந்த அதிர்ச்சியில் இருந்து வெளிவர 8மணி நேரம் ஆகும்.

# உயர் ரத்த அழுத்தம்

# மனச்சோர்வு

# பதற்றம்

# தூக்கமின்மை

# போதைப்பொருள் பயன்பாடு

# வயிற்றுப்புண்

# சர்க்கரை நோய்

# விபத்துகளில் சிக்குவது

# தனிமை உணர்வு

# தற்கொலை எண்ணம்

# உறவுகளை இழத்தல்

# தலைவலி

# இதயக் கோளாறுகள்

# மன அழுத்தம்

# செயல் திறன் குறைபாடு

# உடற்சோர்வு

கோபத்தை கையாளும் முறைகள்:

# ஆழமாக மூச்சை இழுத்து விடுதல்,

# உடற்பயிற்சி

# சூழ்நிலையில் இருந்து விலகிச் செல்லுதல்,

# கோபத்திற்கான காரணத்தை கண்டறிந்து அதனை சரி செய்தல்,

# உங்களுக்கு கோபம் வரும்போது அதனை ஒரு வெள்ளை காகிதத்தில் எழுதுதல்,

# உங்களுக்கு பிடித்த நகைச்சுவையை பார்த்து சிரித்தல்,

# கோபத்தில் இருக்கும்போது நன்கு யோசித்து பேசுதல்,

# கோபத்தை தூண்டக்கூடிய சூழ்நிலையை எவ்வாறு கையாள்வது என்பதை கற்பனை செய்து பார்தல்,

# உணர்வுகளைப் பற்றி நண்பர்களுடன் பகிர்ந்து கொள்ளுதல்,

# புத்தகங்களை வாசித்தல்,

# தனக்குத்தானே சிறிய உற்சாக உரையை(like_ take it easy) சொல்லிக் கொள்ளுதல்.

        மேலே கூறப்பட்ட முறைகளில் ஒருவரின் கோபம் குறையவில்லை என்றால் மன நல மருத்துவரை சந்தித்து ஆலோசனை அல்லது மாத்திரைகள் பெற்றுக்கொள்வது சிறந்தது.

நன்றி..🖤

By.Iniyan Tharmaraj.,B.B.A.,MSW(MPSW)

Sleep..?

தூக்கம் என்றால் என்ன..?

      தூக்கம் அல்லது நித்திரை என்பது மனிதர்களும்,விலங்குகளும் தனது உடல் மற்றும் மூளைக்கு ஓய்வு கொடுக்கும் ஒரு இயல்பான  நிலை ஆகும். நாம் தூங்குவதால் நம் மனதிலுள்ள இறுக்கங்கள் மற்றும் உடலிலுள்ள இறுக்கங்கள்யாவும் தளர்வடைகின்றன.சிறந்த தூக்கம் என்பது நம் உடலை ஆரோக்கியமாக வைத்திருக்கவும், நோய்களை தடுக்கவும் உதவுகிறது. ஒரு மனிதன் சராசரியாக 8 To 10 மணி நேரம் தூங்க வேண்டும்.போதுமான தூக்கம் இல்லாதபோது கவனக்குறைவு, தெளிவற்ற சிந்தனை,மன அழுத்தம் போன்ற பாதிப்புகள் ஏற்படுகிறது.

தூக்கத்தின் வகைகள்:

# கண் அசைவு அல்லாத தூக்கம் {Non-Rapid Eye Movement (non-REM) Sleep}:

   கண் அசைவு அல்லாத தூக்கம் என்பது ஒரு அமைதியான தூக்கம் என்பது ஆகும். இவ்வகையான தூக்கத்தில் நம் கண்கள் அசைவற்று காணப்படும். இவ்வகையான தூக்கம் மூன்று நிலைகளை கொண்டது.

அ) இலேசான தூக்கம் (NREM-1):

  இந்த நிலை நாம் தூங்க தொடங்கிய நேரத்திலிருந்து ஐந்து முதல் பத்து நிமிடங்கள் வரை நீடிக்கும். இந்த நிலையில் நம் கண்களின் இயக்கம் மற்றும் தசைகளின் செயல்பாடு உட்பட அனைத்து குறையத் தொடங்குகின்றன.நாம் நிலை 1 தூக்கத்திலிருந்து எழுந்தால்,நாம்  தூங்கவே இல்லை என்று நினைக்கத் தோன்றும்.சில சமயங்களில், நாம் விழ ஆரம்பித்து, திடீரென தசைச் சுருக்கத்தை அனுபவிப்பது போல் உணரலாம்.இந்த இயக்கம் ஹிப்னிக் ஜெர்க் எனப்படும்.

ஆ)உண்மையான தூக்கம்(NREM-2)

  இந்த நிலையில் நம் கண் இயக்கம் நின்று, இதயத் துடிப்பு மற்றும் உடல் வெப்பநிலை மற்றும் மூளையின் மின் அலைகள் குறைய தொடங்கும்.

இந்நிலையானது 10 முதல் 25 நிமிடம் வரை நீடிக்கும். இந்நிலையில் நம் உடல் ஆழ்ந்த தூக்கத்திற்கு தயார் ஆகும்.

இ) ஆழ்ந்த தூக்கம் (NREM-3):

  இது ஆழ்ந்த உறக்க நிலை ஆகும். இந்த கட்டத்தில் நம்மை எழுப்புவது கடினம், இருப்பினும் யாராவது நம்மை எழுப்பினால், சில நிமிடங்கள் சுயநினைவு இல்லாமல் இருப்போம். நம் கண் அசைவு மற்றும் தசைகளின் செயல்பாடுகள் இருக்காது.

கண் அசைவில்லா தூக்கத்தின் போது என்ன நடக்கும்?

   ✓ உடல் திசுக்களை சரிசெய்து மீண்டும் உருவாக்குகிறது.

   ✓ நோய் எதிர்ப்பு சக்தியை பலப்படுத்துகிறது.

   ✓ தசை மற்றும் எலும்புகளில் வளர்ச்சியை ஏற்படுத்துகிறது.

   ✓ உடல் மற்றும் மனதினை தளர்வு 

அடையச் செய்கிறது.

# விரைவான கண் அசைவுடைய தூக்கம்  {Rabit Eye Movement (REM)Sleep}:

  பொதுவாக, நாம் தூங்க தொடங்கிய 90 நிமிடங்களுக்குப் பிறகு கண் அசைவுடைய தூக்கம் (REM-Sleep) ஏற்படும்.இவ்வகையான தூக்கத்தின் முதல் பகுதி பத்து நிமிடம் நீடிக்கும் மற்றும் இதன் அடுத்த பகுதி ஒரு மணி நேரம் வரை கூட நீடிக்கலாம். நாம் REM தூக்கத்தில் நுழையும் போது, ​​மூளை மற்றும் தசைகளின்  செயல்பாடு மீண்டும் அதிகரிக்கும். இவ்வகை தூக்கமானது குழந்தைப் பருவத்தில் அதிகமாகவும், இளமை மற்றும் முதுமை பருவத்தில் குறைவாகவும் காணப்படும். இந்நிலையில் தான் நமக்கு அதிகப்படியான கனவுகள் வரும்.

கண் அசைவு உடைய தூக்கத்தின் போது என்ன நடக்கும்?

  ✓ கற்றலுக்கு உதவும் மூளையின் பகுதிகளைத் தூண்டுகிறது.

  ✓ புரதங்களின் உற்பத்தியை அதிகரிக்கிறது.

  ✓ வேகமான சுவாசம்.

  ✓ அதிகரித்த இதய துடிப்பு மற்றும் இரத்த அழுத்தம்.

  ✓ ஆண்குறி விறைப்பு.

  ✓ விரைவான கண் இயக்கம்.

தூக்கமின்மைக்கான காரணங்கள்:

× போதை பழக்க வழக்கங்கள்,

× மிக அதிகமான அல்லது குறைவான வெப்பநிலை,

× மனச்சோர்வு மற்றும் மன அழுத்தம்,

× அதிகப்படியான கைபசி மற்றும் மடிக்கணினி பயன்பாடு,

× உடல்ரதியான பிணிகள்,

× அதிகப்படியான மனக்குழப்பம்,

× அதிகப்படியான டீ,காப்பி பயன்பாடு

× சில வகையான மருந்துகள்.

தூக்கமின்மையால் ஏற்படக்கூடிய பிரச்சினைகள்:

× ஞாபக சக்தி மற்றும் கவனக்குறைவு,  

× மன நோய்கள்

× அதிகப்படியான கோபம் மற்றும் மன அழுத்தம்,

× இன்சோம்னியா (Insomnia)

× இரத்த அழுத்தம் மற்றும் இதயத் துடிப்பு அதிகரித்தல்.

× விபத்துகள்,

× இதய நோய் மற்றும் பக்கவாதம்,

× பாலியல் பிரச்சினைகள்,

× தூக்கமின்மை உங்கள் சருமத்தை வயதாக்குகிறது,

× உடல் பருமன்,

தூக்கமின்மைக்கான அறிகுறி:

× பகல் நேர சோர்வு அல்லது தூக்கம்,

× எரிச்சல், மனச்சோர்வு (ம) பதட்டம்,

× குறைந்த உந்துதல் (அ) ஆற்றல்

× மோசமான முயற்சி மற்றும் கவனம்,

× ஒருங்கிணைப்பு இல்லாமை

× தூக்கம் பற்றிய கவலை(அ)பதற்றம்,

× தூங்குவதற்கு மருந்து அல்லது மது பயன்படுத்துதல்,

× தலைவலி,

× பழகுவது, வேலை செய்வது (அ) படிப்பதில் சிரமம்,

× தொடர்ச்சியற்ற தூக்கம் (அ) தூக்கத்திலிருந்து அடிக்கடி எழுதல்.

தூக்கத்தின் நேரங்கள்:

¶ குழந்தைகள்- 16 மணி நேரம்

¶ மாணவர்கள்- 9 to 12 மணி நேரம்

¶ பெரியவர்கள்- 9 மணி நேரம்

செய்யக்கூடியவை:

• தினமும் ஒரே நேரத்தில் தூங்கச் செல்ல வேண்டும்,

• எழுதுதல் மற்றும் படித்தல்,

• உங்கள் அறையின் வெப்பநிலை

18 -21 டிகிரி செல்சியஸ் இருக்க வேண்டும்,

• தியானம்,மூச்சுப் பயிற்சி செய்ய வேண்டும்,

• தூங்குவதற்கு முன்பு வெது வெதுப்பான நீரீல் குளிக்க வேண்டும்,

• அறையில் சிறு சிறு தாவரங்களை வளர்க்க வேண்டும்

• இதமான இசை கேட்பது,

• பாதங்களை வெதுவெதுப்பாக வைத்திருக்க வேண்டும்,

• கதைகள் கேட்பது,

செய்யக்கூடாதவை:

• குளிர்ச்சியான பாதங்களுடன் படுக்கைக்கு செல்லக்கூடாது,

• தூங்குவதற்கு முன்பு அதிக அளவு உணவு அருந்த கூடாது,

• தூங்குவதற்கு முன்பு புகைப் பிடிப்பது மற்றும் மது அருந்தக் கூடாது,

• பகல் நேரங்களில் 30 நிமிடத்திற்கு மேல் சிறுதுயில் கூடாது,

• படுக்கைக்கு அருகில் கைபேசியை சார்ஜ் செய்யக்கூடாது,

• தூங்குவதற்கு முன்பு உடற்பயிற்சி செய்யக்கூடாது

• தூங்குவதற்கு  முன்பு கைப்பேசி, மடிக்கணினி, தொலைக்காட்சி பார்ப்பதை தவிர்க்க வேண்டும்,

• மதிய நேரத்திற்கு பிறகு காபி குடிக்கக்கடாது.

குறிப்பு: மிகவும் அதிகப்படியான தூக்கம் அல்லது மிகவும் குறைவான தூக்கம் தொடர்ந்து இருந்தால் மனநல மருத்துவரிடம் ஆலோசனை பெறுவது நல்லது.

நன்றி.!🖤

By.Iniyan Tharmaraj,B.B.A.,MSW(MPSW)

Types Of Mental Illness.?

மனநோயின் வகைகள்:

அமெரிக்க மனநலசங்கத்தின் மனநலக் கோளாறைக் கண்டறிதல் மற்றும் புள்ளிவிவரக் கையேடு (Diagnostic and statistical Manual of Mental Disorder- DSM) பலவிதமான மனநோய்களை வகைப்படுத்தியுள்ளது.

அவற்றில் மிகவும் பொதுவான சில மனநோய்களை இங்கே காணலாம்.

✓மனநிலை கோளாறு [Mood Disorder]:

             மனநிலைக் கோளாறு என்பது ஒரு மனநலப் பிரச்சினையாகும், இது முதன்மையாக ஒரு நபரின் உணர்ச்சி நிலையை பாதிக்கிறது(Emotions). இந்நோயானது ஒரு நபர் நீண்ட கால அதீத மகிழ்ச்சி, அதீத சோகம் அல்லது இரண்டையும் அனுபவிக்கும் ஒரு கோளாறு ஆகும்.சூழ்நிலைக்கு ஏற்ப ஒருவரின் மனநிலை மாறுவது இயல்பானது ஆனால் மேலே குறிப்பிட்ட அறிகுறிகள் பல வாரங்கள் அல்லது அதற்கு மேல் இருக்குமேயானால் அவை மனநிலை கோளாறாக(Mood Disorder) இருக்க வாய்ப்பு உண்டு.

எ.கா:

       # இருமுனை மனநிலை கோளாறு(Bipolar Mood Disorder)

       # மனச்சோர்வு நோய் (Depression)

       # மன எழுச்சி நோய் ( Mania)

✓ மனப்பதற்ற நோய்[Anxiety Disorder]:

        ஒருவருக்கு பயம் கலந்த அல்லது எதிர்காலத்தில் என்ன நடக்கும் என்று அறிய முடியாத ஒரு சூழ்நிலையில் உடலும்,மூளையும் ஒருங்கிணைந்த ஒருவித எதிர்வினையை ஏற்படுத்தும் அதுவே மனப்பதற்றம் ஆகும்.மனதில் சிறிதளவு பயம் கலந்த பதற்றம் இருப்பதில் தவறு ஒன்றும் இல்லை ஆனால் அதுவே அளவுக்கு அதிகமாக இருந்தால் அது ஒரு நோயாக மாறிவிடுகிறது.இந்தியாவில் புள்ளி விவரங்களின்படி 5 முதல் 7  சதவிகிதம் பேருக்கு மனப் பதற்றம் இருக்கிறது.

எ.கா:

        # சமூக பதற்றக் கோளாறு(Social Anxiety)

        # பயநோய்(Phobia)

        # பீதி நோய்(Panic Disorder)

        # பொதுவான பதற்றக் கோளாறு(Generalized anxiety disorder)

✓மனநோய் கோளாறு[Psychotic Disorder]:

               மனநோய் என்பது மனதைப் பாதிக்கும் தீவிர நோய்களின் ஒரு குழுவாகும். இந்நோயானது ஒருவருக்கு தெளிவாகச் சிந்திபதிலும், நல்ல முடிவுகளை எடுப்பதிலும்,உணர்ச்சிப்பூர்வமாக பதிலளிப்பதிலும், திறம்பட தொடர்பு கொள்வதிலும்,யதார்த்தத்தைப் புரிந்துகொள்வதிலும், சரியான முறையில் நடந்துகொள்வதிலும் பிரச்சனைகளை ஏற்படுத்துகிறது.

எ.கா:

       # மனச்சிதைவு நோய் (schizophrenia)

       # ஸ்கிசோ பாதிப்பு நோய்(Schizo -affective disorder)

       # மருட்சி கோளாறு(Delusional Disorder)

✓ உண்ணுதல் கோளாறு [Eating Disorder]:

                      இந்நோயானது உணவு உண்ணுதல் அல்லது உண்ணுதல் தொடர்பான நடத்தையின் ஏற்படும் தொடர்ச்சியான மாற்றம் அல்லது இடையூறுகளால் வகை படுத்தப்படுகிறது.இவை ஆரோக்கியமற்ற உணவுப் பழக்கவழக்கங்களை உருவாக்கும் உளவியல் நிலைகளின் வரம்பாகும். இதன் விளைவாக உணவு உட்கொள்ளல் அல்லது அருந்துவதில் மாற்றம் ஏற்பட்டு உடல் ஆரோக்கியம் அல்லது உளவியல் செயல்பாடுகள் கணிசமாக பாதிக்கப்படுகிறது.

எ.கா:

      # பசியற்ற உளநோய்(Anorexia nervosa)

      # புலிமியா உளநோய்(Bulimia nervosa)

      # மிதமிஞ்சி உண்ணும் நோய்(Binge eating disorder)

✓ சோமாடிக் கோளாறு தொடர்பான நோய்கள் [somatic related disorder]:

              சோமாடிக் நோய் என்பது தனக்கு இல்லாத ஒரு உடல் ரீதியான பிணியை இருப்பதாக நினைத்து வருந்துவது ஆகும். இந்நோயானது பதற்ற நோயுடன் தொடர்புடையது. மேலும் இந்நோயினால் பாதிக்கப்பட்ட நபர்களின் அறிகுறிகள் பெரும்பாலும் வலியை சார்ந்தோ, நரம்பு கோளாறுகளை சார்ந்தோ,பாலியல் பிரச்சினைகளை சார்ந்தோ அல்லது வயிறு சம்பந்தப்பட்ட பிரச்சனைகளை சார்ந்தோ காணப்படும்.

எ.கா:

      # நோய் கவலைக் கோளாறு(Illness anxiety disorder)

      # மாற்றுக் கோளாறு(Conversion disorder)

✓ ஆளுமை கோளாறு[Personality Disorder]:

         ஆளுமைக் கோளாறுகள் மனநல நிலைமைகளின் ஒரு குழுவாகும், அவை வளைந்துகொடுக்காத மற்றும் வித்தியாசமான சிந்தனை, உணர்வு மற்றும் நடத்தை ஆகியவற்றால் வகைப்படுத்தப்படுகின்றன.இந்த உள் அனுபவங்கள் மற்றும் நடத்தைகள் பெரும்பாலும் ஒருவர் வாழும் கலாச்சாரத்தின் எதிர்பார்ப்புகளிலிருந்து வேறுபட்டு காணப்படுகின்றது.உங்களுக்கு ஆளுமை கோளாறு இருந்தால், மற்றவர்களுடன் பேசுவதிலும், பழகுவதிலும் சிரமம் ஏற்படலாம். ஆளுமை கோளாறு மூன்று பிரிவுகளாக பிரிக்கப்படுகிறது.

எ.கா:

Cluster A: suspicious

  1) சித்தப்பிரமை ஆளுமை கோளாறு(Paranoid personality disorder)

  2) ஸ்கிசாய்டு ஆளுமை கோளாறு(Schizoid personality disorder)

  3) ஸ்கிசோடிபால் ஆளுமை கோளாறு(Schizotypal personality disorder)

Cluster B: Emotional & Impulsive

  4) சமூக விரோத ஆளுமைக் கோளாறு(Antisocial personality disorder)

  5) விளிம்புநிலை ஆளுமை கோளாறு ( Borderline personality disorder)

  6) நடிப்புத் திறன் ஆளுமை கோளாறு(Histrionic personality disorder)

  7) நாசீசிஸ ஆளுமை கோளாறு (Narcissistic personality disorder)

Cluster C: Anxious

  8) தவிர்க்கும் ஆளுமை கோளாறு(Avoidant personality disorder)

  9) சார்பு ஆளுமை கோளாறு (Dependent personality Disorder)

 10) அப்செஸிவ்-கம்பல்சிவ் ஆளுமைக் கோளாறு (Obsessive compulsive personality Disorder)

✓ உணர்ச்சி வேக கட்டுப்பாடு மற்றும் அடிமையாதல் சம்மந்தப்பட்ட மனநோய் [Impulse control and addiction related Disorder]:

      

              உணர்ச்சி வேகக்கட்டுப்பாட்டு கோளாறு என்பது ஒரு நபருக்கு உணர்ச்சிகள் அல்லது நடத்தைகளை கட்டுப்படுத்துவதில் ஏற்படும் சிக்கலான நிலை ஆகும். உதாரணமாக திருடுவது,சூதாடுவது மற்றும் மற்ற நபர்களிடம் கோபம் கொள்வது போன்ற பழக்கங்களை கட்டுப்படுத்த முடியாமல் தொடர்ந்து அதனை செய்வது.

எ.கா:

     # க்ளெப்டோமேனியா (Kleptomania)

     # பைரோமேனியா(Pyromania)

     # போதைக்கு அடிமையாதல் (Addiction to Drugs)

✓ தூக்கக் கோளாறு [Sleeping Disorder]:

                தூக்கக் கோளாறு என்பது ஒரு வழக்கமான அடிப்படையில் அல்லது நன்றாக தூங்கும் திறனை பாதிக்கும் ஒரு நோயாகும். தூக்கத்தில் ஏற்படும் கோளாறுகள் நம் உடல்நல குறைவடையும், அதிகப்படியான மன அழுத்தத்தையும் கொடுக்கும்.

எ.கா:

      # தூக்கமின்மை (Insomnia)

      # பராசோம்னியாஸ்(Parasomnias)

      # நார்கோலெப்ஸி(Narcolepsy)

✓ நரம்பியல் வளர்ச்சி திறன் குறைபாடு[Neuro Developmental Disorder]:

                 நரம்பியல் வளர்ச்சி திறன் குறைபாடு என்பது மூளையில் உள்ள நரம்பு மண்டலத்தின் வளர்ச்சியைப் பாதிக்கும் கோளாறுகளின் ஒரு குழுவாகும், இந்நோய் ஆனது மூளையின் செயல்பாடு,உணர்ச்சி, கற்றல்திறன், சுயகட்டுப்பாடு மற்றும் நினைவாற்றல் போன்றவற்றில் குறைபாடுகளை ஏற்படுத்தும். நரம்பியல் வளர்ச்சி கோளாறுகளின் விளைவுகள் ஒரு நபரின் வாழ்நாள் முழுவதும் நீடிக்கும்.

எ.கா:

      # கவனக்குறைவு ஹைபராக்டிவிட்டி கோளாறு (Attention deficit hyperactivity disorder)

     # கற்றல் குறைபாடு ( learning Disability)

     # அறிவுசார் குறைபாடுகள்(Intellectual disabilities)

✓அதிர்ச்சி மற்றும் மன அழுத்தம் தொடர்பான கோளாறுகள்[ Trauma and stress Related Disorder]:

            அதிர்ச்சி மற்றும் மன அழுத்தம் தொடர்பான கோளாறுகள் என்பது குழந்தை பருவத்தில் நாம் சந்தித்த அதிர்ச்சிகரமான சம்பவங்கள் மற்றும் மன அழுத்தத்தின் விளைவாக ஏற்படக்கூடிய உணர்ச்சி மற்றும் நடத்தை சார்ந்த பிரச்சனைகளின் ஒரு குழுவாகும்.பெரும்பாலும்  குடும்ப மோதல்கள், பெற்றோர்களால் கைவிடப்படுவது,உடல் ரீதியான அல்லது உணர்ச்சி ரீதியான வன்முறைகள் மற்றும் பாலியல் ரீதியான வன்கொடுமைகள் போன்ற சம்பவங்களே இந்நோய் வருவதற்கு காரணமாகிறது.

எ.கா:

      # அதிர்ச்சிக்கு பிறகான மன அழுத்தக் குறைபாடு (Post-traumatic stress disorder)

      # கடுமையான மன அழுத்தக் கோளாறு(Acute stress disorder)

      # எதிர்வினை இணைப்பு கோளாறு(Reactive attachment disorder)

✓ அப்செசிவ்-கம்பல்சிவ் தொடர்பான கோளாறு [Obsessive-Compulsive Related Disorder]:

                    அப்செசிவ்-கம்பல்சிவ் தொடர்பான கோளாறு என்பது ஒரு மனநோயாகும்.இது மீண்டும் மீண்டும் தேவையற்ற எண்ணங்கள் அல்லது உணர்வுகளை (Obsession) அல்லது மீண்டும் மீண்டும் ஏதாவது செய்ய வேண்டும் என்ற தூண்டுதலை (Compulsive) ஏற்படுத்துகிறது. இந்நோயினால் பாதிக்கப்பட்ட நபர்கள் ஒரு விஷயத்தை தொடர்ந்து சரி பார்த்துக் கொண்டே இருப்பது மற்றும் திரும்பத் திரும்ப ஒரே செயலை செய்வதுமாக இருப்பார்கள்.

எ.கா:

      # அப்செசிவ்-கம்பல்சிவ் கோளாறு (obsessive compulsive disorder)

      # உடல் டிஸ்மார்பிக் கோளாறு (Body dysmorphic disorder)

      # டிரிகோட்டிலோமேனியா

(trichotillomania)

இதர மனநோயின் வகைகள்:

‌✓ விலகல் நோய்( Dissociative disorder)

✓ நீக்குதல் கோளாறு (Elimination Disorder)

✓ பாலியல் தொடர்பான மனநோய்.

(Sexual Related Disorder)

✓ பாலினம் தொடர்பான மனநோய்(Gender Related Disorder)

Reference: Diagnostic and Statistical Manual Of Mental Disorder- 5th Edition (DSM-5)

நன்றி.🖤

Iniyan Tharmaraj.,B.B.A.,MSW(Mpsw)

What is Mental illness?

மனநோய் என்றால் என்ன..?

         மனநோய் என்பது நம்முடைய எண்ணம்(Cognition), நடத்தை(Behavior) மற்றும் உணர்ச்சிகளில்(Emotions) ஏற்படும் மாற்றங்களும், பாதிப்புகளும் மனநோய் ஆகும். இப்பாதிப்புகள் சில நாட்களோ அல்லது பல நாட்களோ தொடரலாம்.

மனநோய்க்கான காரணங்கள்:

✓ மரபணுக்கள் (Genetic)- மனநோய் என்பது பெற்றோர்களிடமிருந்து குழந்தைகளுக்கு மரபணு மூலமாக வருவதற்கு வாய்ப்பு உண்டு.

✓சுற்றுச்சூழல் (Environment)- மன அழுத்தம் நிறைந்த சூழலில் வாழ்வதால் மனநோய் வருவதற்கான வாய்ப்புகள் அதிகம்.

✓ மூளை வேதியியல் (Brain Chemistry)- மூளையில் சுரக்கக்கூடிய இரசாயனங்களின் ஏற்றத்தாழ்வு மனநோய்க்கு வழிவகுக்கும்.

✓ போதைப் பொருட்கள் (Substance Abuse)-மது அருந்துவது அல்லது மற்ற போதைப் பொருட்களை பயன்படுத்துவது மனநோய்க்கு வழிவகுக்கும்.

✓அதிர்ச்சிகரமான நிகழ்வுகள்(Traumatic Events)-நேசிப்பவரை இழப்பது அல்லது கார் விபத்தில் சிக்குவது போன்ற அதிர்ச்சிகரமான நிகழ்வுகள் மனநோய்க்கு வழிவகுக்கும்.

✓ மூளை தொற்று அல்லது காயம்(Brain Infection or injury)-மூளையில் ஏற்படும் காயங்கள் மற்றும் தொற்றுகள் மனநோய்க்கு வழிவகுக்கும்.

✓ உடல்நலக்குறைவு (Physical illness)-தீவிர உடல்நலக் குறைவு நம் மனநிலையைப் பாதிக்கக் கூடும்.

✓ஆரோக்கியமற்ற பழக்கங்கள்(unhealthy habits)- போதுமான அளவு தூங்காமல் இருப்பது,தனிமையில் வாழ்வது மற்றும் யாரிடமும் வெளிப்படையாக பேசாமல் இருப்பது போன்ற பழக்கங்கள் மனநோய்க்கு வழிவகுக்கும்.

✓எதிர்மறை எண்ணங்கள்(Negative thoughts)-தாழ்வு மனப்பான்மை மற்றும் தவறான எதிர்பார்ப்புகள் உங்களுக்கு பதட்டத்தையும், சோகத்தையும் உண்டாக்கக் கூடும்

பொதுவான அறிகுறிகள்:

✓ தூக்கமின்மை மற்றும் பசியின்மை.(Sleeplessness and loss of appetite)

✓ உணர்ச்சிகளில் விரைவான அல்லது வியக்கத்தகு மாற்றங்கள்.(Mood Swings)

✓ சமுதாயத்தில் இருந்து விலகிச்செல்வது மற்றும் ஆர்வமின்மை (Social withdrawal and interest-less)

✓ அமைதியின்மை மற்றும் அலைந்து திரியும் போக்கு( Restlessness and Wandering tendency)

✓ சுகாதாரமற்ற நிலை (Poor personal hygiene)

✓ வழக்கத்தை விட நீண்ட நேரம் நீடிக்கும் சோகம் அல்லது வெறித்தனம்.(Unusual depression and Anger)

✓ தெளிவற்ற பேச்சு மற்றும் அர்த்தம் அல்லது பொருள் இல்லாத பேச்சு (Irrelevant and disorganized speech).

✓ தனிமை (loneliness)

✓ தற்கொலை எண்ணம் (suicide thoughts)

தீவிர அறிகுறிகள்:

✓ அதிகப்படியான சந்தேகம் (Suspected thoughts)

✓ தனியாக பேசுவது மற்றும் சிரிப்பது (self talk and self smile)

✓ காதில் மாயக்குரல் கேட்பது (Auditory hallucination)

✓கண்களில் மாய உருவம் தெரிவது (Visual hallucinations)

✓ உடம்பின் மேல் பூச்சி,பூரான் ஊருவது போல் நினைப்பது (Tactile hallucination)

✓எனக்கு துர்நாற்றம் வீசிக் கொண்டே இருக்கிறது என்று கூறுவது (Olfactory hallucination)

✓ ஏதோ வாயில் சுவை இருந்து கொண்டே இருக்கிறது என்று நினைப்பது (Gustatory Hallucination)

✓தன்னை யாரோ பின் தொடர்வதாக மற்றும் என்னை பற்றி மற்றவர்கள் பேசுகிறார்கள் என்று நினைப்பது (Delusion of reference)

✓ அனைவரும் எனக்கு எதிராக சதி செய்கிறார்கள் என்று நினைப்பது (Delusion of persecution)

✓நான் கடவுள் என்று கூறுவது (Delusion of grandiose)

✓ எனக்குள் கடவுள் இருக்கிறார் என்று கூறுவது (Delusion of possession by god)

✓ தன்னிச்சையான பேச்சு (Spontaneous speech)

✓ என்னைப்பற்றி டிவியில் ஒளிபரப்பு செய்கிறார்கள் என்று கூறுவது (Delusion of thought broadcasting)

✓ என்னை யாரோ கட்டுப்படுத்துகிறார்கள் என்று நினைப்பது (Delusion of control)

✓ என் உடல் உறுப்புகள் அழுகிவிட்டது அல்லது இல்லை என்று கூறுவது (Cotard delusion)

✓ அதிகப்படியான பயம் மற்றும் பதட்டம் ( Irrational fear and anxiety)

சிகிச்சைகள்:

✓ மருந்தியல் சிகிச்சை(Pharmacological treatment)

✓ மனநல ஆலோசனைகள் (Psychological counseling)

✓ உளவியல் சிகிச்சை (Psychotherapy)

✓ யோகா மற்றும் தியானம் (Yoga and Meditation)

✓ மின் அதிர்வு சிகிச்சை (Electro-convulsive therapy)

மன நோய்க்கான சிகிச்சைகள் பெரும்பாலும் நோயின் தன்மையைப் பொறுத்தே அமையும். மேலே குறிப்பிட்ட அறிகுறிகள் ஏதேனும் உங்கள் குடும்பத்தினருக்கு இருந்தால் அவரை அருகில் உள்ள மனநல மருத்துவரிடம் அழைத்து செல்லுங்கள். ஏனெனில் மனநோய் சிறியதாக இருக்கும்போதே அதனை சரி செய்து விட வேண்டும் இல்லையென்றால் அது நாள்பட்ட நோயாக மாறி அதனை சரிசெய்ய மிகவும் கடினமாகிவிடும்.So plz Consult a psychiatrist in case whose symptoms are present.

நன்றி.🖤

Iniyan Tharmaraj B.B.A.,MSW(MPSW)

What is Mental Health?

மனநலம் என்றால் என்ன?

        மனநலம் என்பது  நமது எண்ணம் (thought), நடத்தை(Behaviour)மற்றும் உணர்ச்சிகள்(Emotions) இதனை சார்ந்தது ஆகும். ஒரு மனிதன் எவ்வாறு சிந்திக்கிறான், எவ்வாறு உணர்ச்சிகளை வெளிப்படுத்துகிறான் மற்றும் எவ்வாறு நடந்து கொள்கிறான் என்பதே ஒரு மனிதனின் மனநலத்தை தீர்மானிக்கும்.மேற்கூறியவற்றில் ஏதேனும் ஒன்றில் பிரச்சினைகள் ஏற்பட்டாலும் அவை மனநலப் பிரச்சனைக்கு வழிவகுக்கும்.நம் மனநலத்தில் பிரச்சனைகள் வருவது நம்முடைய அன்றாட வாழ்க்கையையும்,குடும்ப உறவுகளையும், மற்றும் உடல் நலத்தையும் பாதிக்கும்.

அ)எண்ணம் (Thought):

 Synapse:

  

நம் மூளையில் உள்ள நரம்புகளில் நியூரான்கள் என்ற நரம்பு செல் காணப்படும், இந்த நரம்பு செல்கள் ஒன்றை ஒன்று தொடர்பு கொண்டு தகவல்களை பரிமாற்றம் செய்யும்.  இந்த நரம்பு செல்லில் நியூரோ டிரான்ஸ்மிட்டர் என்ற மூலக்கூறு காணப்படும், இந்த மூலக்கூறில் ஏதேனும் கோளாறுஏற்பட்டால் நமது எண்ணங்களில் பிரச்சனைகள் மற்றும் மாற்றங்கள் வரக்கூடும்.

உதாரணம்: 

1.கற்றல், நினைவாற்றல், உணர்தல்,சிக்கலைத் தீர்ப்பது,பேசும் முறை ஆகியவற்றில் மாற்றங்கள் ஏற்படும்.

2. பொய்யான நம்பிக்கை (Delusions) மற்றும் பொய்யான உணர்வுகள் (Hallucinations) ஏற்படக்கூடும்.

ஆ) நடத்தை (Behaviour):

நடத்தை என்பது நாம் பிறந்ததிலிருந்து இந்த நொடி வரை நாம் நடந்து கொள்ளும் விதத்தைப் பற்றியது. நம்முள் இருக்கும் நடத்தைகள் அனைத்துமே ஒருவரால் அல்லது ஒரு சூழ்நிலையால் நமக்கு கற்றுக் கொடுக்கப்பட்டது. மனிதர்களிடையே நல்ல பழக்கவழக்கங்கள் மற்றும் தீய பழக்கவழக்கங்கள் காணப்படும். நல்ல பழக்கங்கள் தீய பழக்கங்களாக மாறுவதற்கும் தீய பழக்கங்கள் நல்ல பழக்கங்களாக மாறுவதற்கும் காரணம் என்னவென்றால் நம் சூழ்நிலை மற்றும் நாம் சார்ந்து வாழ்ந்த ஒரு பொருள் அல்லது நபர் நம்மை விட்டு அல்லது நமக்கு கிடைக்காத சூழ்நிலையில் இருக்கும் பொழுது அதனை அடைவதற்கு நம் நடத்தைகள் மாற்றங்களை சந்திக்கும்.

உதாரணமாக:

1) மது அருந்துவது மற்றும் போதைப் பொருட்களுக்கு அடிமையாவது நம் நடத்தையில்(போதைப் பொருட்கள் வாங்குவதற்காக திருடுவது மற்றும் குற்றச் செயல்களில் ஈடுபடுவது) மாற்றத்தை ஏற்படுத்துவதற்கு முக்கிய காரணமாகிறது.

இ) உணர்ச்சிகள்(Emotions):

மனிதர்களிடம் இருந்து வெளிப்படும் உணர்ச்சிகள் நம் கைபேசியில் உள்ள வாட்ஸ் அப் செயலியில் காணப்படும் ஏமோஜிஸ் அனைத்தும் ஆகும். அவை நம் உணர்ச்சிகளை வெளிப்படுத்தும் விதமாக இருக்கும். அதில் பிரதானமாக காணப்படும் உணர்ச்சிகள் கோபம்(anger), மனச்சோர்வு(depression), மனஇறுக்கம்(stress),சந்தோசம்(happiness),பயம்(fear),பதட்டம்(anxiety) ஆகும். மனித உணர்ச்சிகளை கட்டுப்படுத்துவது மூளையில் சுரக்கக்கூடிய இரசாயனங்கள்(Dopamine,Serotonin, 

Cortisol,Adrenaline,Melatonin)

 ஆகும். இந்த இரசாயனங்களில் ஏற்றத்தாழ்வு ஏற்படுவதால் நம் உணர்ச்சிகளிலும்(Mood swing) ஏற்றத்தாழ்வு ஏற்படும்.

உதாரணமாக:

 ஸ்ட்ரெஸ் ஹார்மோன் (stress hormones)  என்று அழைக்க கூடிய செரட்டோனின், கார்டிசால்,அட்ரினலின் ஹார்மோன்கள் அதிகப்படியாக சுரக்கும்போது நம் உடம்பில் ரத்த ஓட்டம் மற்றும் இதயத் துடிப்பின் வேகம் அதிகரிக்கும்,இதன் மூலம் நமக்குப் பயம்,பதட்டம்,கோபம் ஏற்படும்.

மேலே குறிப்பிட்டுள்ள எண்ணங்கள், நடத்தைகள்,உணர்ச்சிகள் இவை மூன்றும் ஒன்றை ஒன்று சார்ந்தது, இதில் ஏதேனும் ஒன்றில் பிரச்சினைகள் ஏற்பட்டாலும் அதைத்தொடர்ந்து மற்ற தொகுதிகளிலும் பிரச்சினைகள் உருவாக தொடங்கும்.

உதாரணமாக சூர்யா நடித்த வாரணம் ஆயிரம் படத்தில் ஒரு காட்சியில் அவருடைய காதலி இறந்து விடுவார் அதனால் முதலில் அவர் உணர்ச்சிகளில் (Depression-மனச்சோர்வு) பிரச்சினைகள் உருவாகும் பின்பு சிறிது காலம் கழித்து போதைப் பொருட்களை (Behavioral problem-நடத்தைக் கோளாறு) எடுத்துக்கொள்ள தொடங்குவார். இது தொடர்ந்தால் அவருடைய எண்ணங்களிலும்(Delusions and Hallucinations) பிரச்சினைகள் சிறிது நாட்களில் தோன்றிவிடும்.

இதைப்பற்றி அடுத்த பதிவுகளில் விரிவாக காணலாம்..

நன்றி..

Iniyan Tharmaraj.B.B.A.,MSW(MPSW)